مطبخِك مع هَنا😋

بهالايام الصعبة تغيرت أولوياتنا😞 و يلي كنا نعتبره أساسيات و مسلّمات بحياتنا متل حفلات ذكرى الميلاد و غيرها من المناسبات المتنوعة صارت اليوم عبئ كبير و مصاريف لسنا بواردها خصوصا أن أسعار هالنوع من المأكولات(الحلويات على أنواعها) صارت غالية بشكل خيالي و المحلات يلي حاولت ما كتير ترفع الاسعار إضطرت تنزل من جودة منتجاتها بسبب غلاء المواد الاولية…
بس هالشي ما بيمنعنا ✋🏻من صنع ألذ انواع الحلويات و أشهاها خصوصاً للاولاد بالبيت و بمكونات بسيطة و موجودة بكل مطابخنا☺️
اليوم رح شارككم وصفة الميرينغ السهلة و اللذيذة و المرغوبة كتير بين الاطفال و منظرها بيفرح قلوبهم بألوانها الحلوة و بأقل تكلفة🍭.
الميرينغ_muringue:

🛒المكونات:
🖋️200غ بياض بيض
🖋️400غ سكر
🖋️ملعقة صغيرة فانيليا
ملونات طعام

📝طريقة التحضير:

📌نضع السكر و بياض البيض في وعاء الخلاط ثم نضعه في وعاء ماء ساخن(bain marie) على نار هادئة جدا و نحرك المزيج حتى يذوب السكر تماما.

📌بعد الذوبان نضيف الفانيليا ثم نخفق المزيج لمدة تتراوح بين 4 و 7 دقائق حسب قوة الخلاط إلى أن نحصل على مزيج كريمي ثقيل لا يسكب ولا يتحرك إذا قلبنا الوعاء رأساً على عقب.

📌نقسم الميرينغ في اوعية و نلونها بالالوان المرغوبة ثم نضعها في قرطاس الكريما (piping bag) و نشكلها حسب الرغبة على صينية مبطنة بورق زبدة (الطريقة مفصلة بالصور).

📌ندخلها الفرن على ادنئ درجة حرارة لمدة 45/60 دقيقة من تحت فقط مع الإنتباه جيداً كي لا يتغير لون الحلوى.

🔖 يستعمل الميرينغ كذلك لتزيين قوالب الكيك بيعطي مظهر جذاب جداً و طفولي💖.

ملاحظة: الميرينغ طبيعي يصير تشققات ببعض القطع بعد الخبز.
هنا رزوق.

لبنان اليوم