مطبخِك مع هَنا😋

صحيح ان شغلها يأخد وقت كبير و شوية تعب كمان و بعشر دقائق بتطير وما كأن اشتغلنا فيها نص النهار بس عنجد بتستاهل التجربة لأنها إذا تحضرت على أصولها بتطلع أطيب من الجاهزة بمية مرة 😌
عن اللحمة بعجين الطرابلسية الحدف أتكلم❤️❤️

🛒مقادير العجينة:
🖋️كيلو طحين
🖋️ربع كوب زيت نباتي
🖋️ملعقة سكر
🖋️رشة ملح
🖋️كوبين ماء للعجن
🖋️كوب من خليط للسمن الحيواني مع الزيت النباتي لفرد العجين.

📝طريقة التحضير:
📌نخلط جميع المكونات ما عدا كوب خليط السمنة و الزيت.

📌نقسم العجين الى كرات بوزن 40 غرام للقطعة الواحدة.

📌نغلفهم بالنشاء و نغطيهم و نتركهم لمدة ساعة لترتاح العجين ثم نرقهم كذلك على النشاء بشكل دوائر 20سم تقريبا.

📌ندهن صدر aluminum بخليط السمن و الزيت و ندهن كرة العجين كذلك ثم نفردها من خلال رقّها و مدّها باليد بتأنٍ على الصدر حتى تصبح عجينة رقيقة جدا.

📌نطوي العجينة على شكل مربع و نضعها بالصينية ثم نضع الحشوة عليها.

📌طريقة التخضير مفصلة بالصور المرفقة.

🛒 مقادير الحشوة:
🖋️ 3أو4كيلو بصل
🖋️كيلو لحمة مفرومة ناعمة
🖋️دبس رمان
🖋️طحينة
🖋️بهار مشكل
🖋️ملعقتين دبس فليفلة(رُبّ الحر)
📝طريقة التحضير:
📌 نقلي البصل المفروم ناعم جدا على النار ليذبل.

📌 نضيف عليه كيلو لحمة مفرومة نااااعمة لحتى يستووا و تنشف ماءهم.

📌نزيد ملح و بهار مشكل و طحينة و دبس رمان و دبس فليفلة لحتى نوصل للطعم يلي بيناسبنا.

📌في ناس بتحط بقدونس و نعنع مع الخلطة ولكن الخلطة الطرابلسية الاصلية ما فيها.

📌 لازم يكون قوام الحشوة كريمي فإذا طلع معنا خشن فينا نطحنه شوي بمحضرة الطعام بعد ما نضيف له كل المكونات لأن سر تميّز اللحمة بعجين هي نعومة المزيج.
Hana razuk hallak

لبنان اليوم